Hawla’n HPC(D) te Mizorama kawhmawh bawllo tura hrilh turin Zorama a ngên

Mizoram Pradesh Congress Committee MPCC President, Chief Minister Pu Lal Thanhawla chuan MNF President Pu Zoramthanga chu helte nena inpawhna ṭha tak neia a thunun thei a nih chuan HPC(D) te chu Mizorama kawhmawh bawllo tura hrilh turin an ngen tih a sawi
Nimina Aizawl Congress Bhavan-a Political Session-ah he thu hi sawiin Pu Lal Than-hawla chuan tunhnaia Mani-pur hel pawl awmkhawmna United People’s Front-in sawrkar nen inkahhai an puan theihna tura hmalaksaktu MNF President Pu Zoramthanga chuan helte nena inpawhna ṭha tak an nei a nih chuan an zinga tel ve HPC(D) te pawh be pawp mai se a ti a, MPCC President chuan Kau Tlabung chungchanga thubuai kal mekah an puhna avanga vawi 2 Court-a a inlan hnuah thiam chantir a nih thu a sawi a, MNF chuan kum 10 chhung an sawrkar chhungin a thiam-lohna an hmuh loh thu leh tuna thubuai awm mekah MNF chuan an duh a nih phawt chuan an party chuan ṭanpui turin an inpeih reng tih a sawi a ni.

Rajya Sabha MP Pu Ronald Sapa pawhin thu sawiin, Chief Minister hmalakna a zarah Aizawlah Monorail System emaw, system dang emaw neih har a ni tawh lovang tih a sawi a, hemi atan hian master plan siam nan Asian Development bank aṭangin cheng Vbc 3.5 dawn a nih tawh thu a sawi.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram