Hmawngbuchhuah thlenga rel kawng siam turin survey mek

Pu RS Virdi, General Manager, Northeast Frontier Railway, Construction chuan Mizoram chhim tawp Hmawng-buchhuah thlenga rel kawng siam tura survey hna an thawh mek thu a sawi.
He thu hi nimin tlaia Mizoram Chief Secretary Pu Lalmalsawma a office chamber-a a hmuhnaah a sawi a, Pu Virdi chuan Bairabi-Sairang rel kawng siam hna thawh mek chungchangah chak zawka hmalak a nih theih nan office hmun tur leh an mamawh dang te a hnenah a thlen a. Chief Secretary chuan rel kawng siam hna chu chak taka kalpui a nih theih nan Mizoram sawr-kar pawhin theihtawp a chhuah thu te a lo hrilh a ni. Railways hotu te ruahman ang chuan Bairabi-Sairang rel kawng siam hna hi March 2018 ah zawh fel hman tura beisei a ni.

Pu Virdi hian hian vawiin-ah Governor a hmu ang a, Sai-rang Railway Station leh Broad-gauge Line te a hmunah a enfiah bawk dawn a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram