Hockey-a champion lâwm

May ni 17-26, 2015 chhunga 5th Sub-Junior National Hockey Championship, Ranchi, Jarkhan-a neih zawh taka Mizo hmeichhe team champion lawmna chu nimin khan Thenzawl-ah neih a ni a, Sports Minister Pu Zodin-tluanga chuan he hun hi a hmanpui a ni.
Minister chuan thusawiin, Hockey ground khawpuia a la awm tlat loh avangin Hockey-ah hmasawnna a kal chak thei rih lo tih a sawi a, Aizawlah hockey ground siam turin hma lak mek a nih thu leh a hlawh-tlinna hmel hmuh a beisei thu a sawi.

India ram pum hneh theitu Hockey team te chu Pu Zodintluanga chuan fakin an hnehna chu Thenzawla hockey ground siam mek la zawh felfai theih loh ṭha taka zawha infiam-na hmun tha an neih ngei theih-na tur ni se a duh thu a sawi.

Hockey Mizo te game tih ṭhina hun rei tak hmasawnna neih theih lova a awm chu Minister chuan pawi a tih thu a sawi a, theihtawpa hmalak a nih thu leh Kawnpuiah mipa tan Hockey Academy leh Astro turf te phah a ni tawh a, hmasawnna chak takin a awm mek tih a sawi a, hmeichhe lamah pawh Mizo nula pahnih national camp ah an awm mek thu a sawi bawk.

Champion lawmna hi Mizoram Women’s Hockey Association huaihawt niin, an president Lalrampari’n a kaihruai a, champion team te hi Sports department chuan pawisafai leh infiamna hmanrua a pe ṭheuh a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram