Forbes-in a tarlan danin Boxer Floyd Mayweather chu kum khat chhunga khawvela infiammi zinga sum lalut tam ber a ni.
Forbes-in infiamna aṭanga sum hailut hnem list a tihchhuah hi 2014 June leh 2015 June inkara infiammite sum lakluh, an hlawh, lawmman an dawn leh thildang aṭanga an lakluh aṭanga chhût a ni a, sum lalut hnem ber, Mayweather hi US$300m (£194m) lalut anga chhut a ni a, heta ṭanga engemawzat hi Manny Pacquiao nen an inhnek aṭanga a lakluh kha a ni a, Pacquiao hi pahnihnaah awmin $160m (£103.4m) lalut anga chhutsak a ni a, Footballer zingah Cristiano Ronaldo chu sum lalut hnem ber niin, a pumpuiah pathumnaah a awm a, $79.6m (£51.4m) lalut anga chhut a ni.
Formula 1 world champion Lewis Hamilton chu 15-naah awmin, $39m (£25m) a lalut a, Wales leh Real Madrid player Gareth Bale chu British footballer zinga a sâng ber niin, $25.5m (£16m) lalutin 18-naah a awm a, England football captain Wayne Rooney chu 34-naah awmin, $26.9m (£17m) a lalut a, Scottish tennis player Andy Murray chu 64-naah awmin $22.3m (£14m) a lalut a ni.
India Cricketer Mahendra Singh Dhoni pawh 23-naah awmin, $31m lalut anga chhut a ni.
Tennis player Novak Djokovic chu 13-naah awmin $48.2m a lalut a, German Formula One driver Sebastian Vettel 21-na a ni a, tennis star Rafael Nadal chu 22-na niin, Jamaican runner Usain Bolt chu 73-na a ni.
He list-ah hian hmeichhe hming pahnih chiah a lang a, tennis player ve ve an ni a, 26-naah Maria Sharapova a lang a, $29.7m a lakluh aṭangin hian lawmman/hlawh aṭanga a lakluh chu $6.7m niin thildang (fakna etc.) aṭangin $23m lawih a lalut a ni. A dang leh chu Serena Williams niin, 47-naah a awm a, $24.6m a lalut a ni.
Infiammi sum lalut hnem Top 10:
1. Floyd Mayweather, US, Boxing = US$300m (£194m).
2. Manny Pacquiao, Philippines, Boxing = $160m (£103.4m)
3. Cristiano Ronaldo, Portugal, Football = $79.6m (£51.4m)
4. Lionel Messi, Argentina, Football = $73.8m (£47.7m)
5. Roger Federer, Switzerland, Tennis = $67m (£43.3m)
6. LeBron James, US, Basketball = $64.8m (£41.9m)
7. Kevin Durant, US, Basketball = $54.1m (£35m)
8. Phil Mickelson, US, Golf = $50.8m (£32.8m)
9. Tiger Woods, US, Golf = $50.6m (£32.7m)
10. Kobe Bryant, US, Basketball = $49.5m (£32m)