Juventus chuan Croatia striker, Mario Mandzukic chu Atletico Madrid aṭangin £13.6m-in an lalutfel ta.
Kum 29 mi, Mandzukic hian nikum nipui khan Bayern Munich aṭangin Atletico hi a zawm a, Atletico tan hiam game 43 a khelhah goal 20 a thun a, Champions League final-a a chaklo zawk Club tan hian kum 4 daih tur contract a ziak a, a man hi £15m thlengin a sang chho thei dawn a ni.
Mandzukic chuan, “Juventus hi ka ngaina a, he khawpui (Turin) pawh hi ka ngaina a. He hmunah hian ka hlim ka ring a ni,” tiin a sawi.
Mandzukic hian kum 4 chhungin a zawnin Champions League final-a a chaklo team 3-ah a lut ta a, 2012 khan Bayern Munich-ah lutin, nikum khan Atletico Madrid-ah a lut leh a ni.
Season liamtaa goal 20 thuna Serie-A Top Scorer, Juventus striker Carlos Tevez chu tunah hian Italian champions chhuahsan tur anga sawi mek a ni a, tunhnai khan Argentine legend Diego Maradona chuan Boca Juniors a zawm leh dawn niin a sawi nghe nghe a ni.