Fashion designer Carolina Herrera chuan Kim Kardashian, Beyonce leh Jennifer Lopez te chu an incheina a sawisel sak.
Met Gala 2015-ah khan heng hmeichhe pathum te hian thawm-hnaw thehlep tak an ha a, an saruakna khuh thei ngawr ngawr thawmhnaw an hak chuan kum 76-a upa, Fasion Designer Herrera a tilawm lo hle a, “Tunlai mi ni tur hian saruak emaw, saruak deuhthawa awm hi a ngai ta em ni? Heng thawm-hnaw an hak hian ṭhalai te an hip thei zawk in an inngai em ni?” tiin a sawi a.
Met Gala-ah hian kum 34 mi, Kardashian hian a taksa lang tlang thei turin sava hmul vâra siam kawr a ha a, kum 33 mi, Beyonce pawh hian a taksa pum deuhthaw langtlang thei kawr, tlereuha cheimawi a ha a, kum 45 mi, Lopez hian a hnung leh a khel bâwr vel lang vek thei kawr a ha bawk a ni.
Herrera chuan, “Fashion icons an ni a, engmah an inbel lo khan rilru a kap hle a ni,” tiin a sawi a, “Kan thawmhnaw hâk hi a inchawih mawi tawk tur a ni,” a ti bawk.