Champhai district thunei-tute chuan tunlaia mi tam takin an tlawh Kelkang khuaa bawlh-hlawh tam lutuk paih dan tur leh zirna lama harsatna sukiang turin ruahmanna an siam.
Champhai District Bawrhsap Pu H. Lalengmawia leh official dangte’n nimin khan Kelkang hi an tlawh a, he khuaah hian mi pungkhawmin an paih bawlhhlawh a tam tawh em em a. Heng bawlhhlawh hi Swachh Bharat sum hmangin PHE lamin paih se tiin Bawrhsap leh official-te leh Kelkang khawtlang hruaitute chuan an rel a. He khua hi khaw hrang hrang aṭanga tlawh mikhual tam takin an chim reng avangin zirlaite tan a bik takin in lamah zirna boruak a awm lova, chuvangin Pu H. Lalengmawia chuan zirtirtute chu an sikul hun bakah bân hnu-ah nitin darkar 2 vel tal class la belh turin a ngen a, thulakna tarlan dan chuan sikul-te pawh hi mimal ina lenglo mikhualin an luah avangin zirna hi a ṭhuanawp nasa hle a ni.
Tui harsatna chung-changah chuan PHE lamin kar tina Champhai aṭanga tui truck trip khat an pek ṭhin chu chhunzawm ni se tih a ni a. Ek In indaihloh avanga harsatna sukiang turin vantlang ek In tam zawk laih belh nise tiin an rel a. Dawrkaite pawh an thil zawrhte MRP aia tova hralh lo turin an hrilh bawk.
Nimin kha mikhual an haw rem lai deuh a nih avangin an khaw mi nilo Kelkang khuaa cham chu mi 1,500 vel an ni a. Tun thleng hian mi nuai 2 dawnin harhna chhim tumin he khua hi an tlawh tawh a ni.