Zothlifim Logo
Loading ...

Liverpool chuan Manchester City-in an forward Raheem Sterling man atana £25m leh thildang an tawktarh chu an hnawlsak.
Arsenal leh Real Madrid nena sawi zawm reng, Sterling hi Liverpool chuan £50m an chhiar a ni.

Kum 20-a upa, Sterling hian kum 2010 khan QPR aṭangin Liverpool hi a zawm a, tunah hian kum 2017 thleng contract a nei a, Liverpool-in chawlhkar khata £100,000 hlawh tura an thlemna chu Sterling hian a lo hnawl a, thla hmasa khan Liverpool boss Brendan Rodgers chuan Sterling hi a contract zawh thleng Anfield-a a awm a beisei thu a sawi a ni.

City leh England goalkeeper Joe Hart chuan Sterling hi tun nipui hian UEFA dan bawhchhe lova Sterling hi an lakluh ngei a beisei thu a sawi a, Sterling hi an squad-a Home-grown player quota an neih luah khat turin a duh a, Frank Lampard leh James Milner an chhuah tak hnuah chuan Hart chiah hi tuna City First team squad-a home-grown player a ni ta a ni.