Mega Mock Drill neih tur atan training nei

Nimin chawhma khan  I&PR Conference Hall-ah Khuarel chhiatna lo thlen thulha inven dan tur leh  hmalak dan tur  zirhona Training of Incident  Response System Team  for  Preparation of Mock Drill neih a ni a. Minister of DM & R  Pu C Ngunlianchungan a hmanpui  a, Pu P.C. Lallawmsanga,  Principal  Secretary, Disaster Management  & Rehabilitation Department in a kaihruai a ni.
Chhiatrupna a lo thlen thulha hmala tu tur te inhmuhkhawm vawi khat naah a tel theih avanga lawmthu sawiin  Khuallian Pu C. Ngunlianchunga  chuan hei  hian rah tha tak chhuah se a beisei thu leh  Lirnghing leh thlipui  lakah dinhmun derthawng takah kan ding  thei a ni tih hre vek tur leh a chhe ber lo  thleng  tur anga inpuahchah  na chu siam loh theih  a nih loh avangin  inven lawkna tur  lamah  hmalakna  tur ruahman  a tulin, kan in leh lo te hi a nih tur angin a ding vek tawh a, a chhanchhuahna lam leh tanpuina lam chungchang ah erawh chuan  ruahmanna  kan lo siam a, inpuahchah na pawh kan lo siam lawk a ngai a ni  a ti. Kumin 25th April mai khan  Nepal (Kathmandu) ah chuan lirnghing avanga an tuarna  ah mi tam tak in an thih phah in In leh Lo  pawh mi tam tak in an chan phah thu sawiin khuallian chuan  Nepal ai chuan  kan ram hi a chhengchhia in tlangram a ni a, mithiam ten Aizawl an zir chianna a an hmuh dan ah  lirnghing nat lam 6.5 magnitude chauh pawh  hian Aizawl hi han sawi ta se, second 30  chhungin in 18,000 tlu tur ah an ngai a, chuvang chuan   mitin hian kan pawimawhna  theuh  san zia hria in mawhphurhna  la  thiam tur in a chah a ni.

DM & R chauh hi chhanchhuahna  leh tanpuina  lama hmala tur department an ni lo  tiin ‘Role and Responsibility of  Officers’ chungchang zirtu vawiina kalkhawm te  chu an pawimawhna  theuh  hria a chhanchhuahna leh chhawmdawlna kawnga  thawhpui tur in khuallian chuan a sawm a ni.

Nimin programme ah hian Pu Dominic Lalhmangaiha, Member, State Disaster Management Authority bakah Team member-te an kal tha hle a, chawhnu lam hunah  Dr. Lalrokima Chenkual, Head Faculty, ATI leh Zothansanga Hmar, District Organiser, DM & R ten ‘Role & Responsibility of Officers and Setting up of Incident Response System’ leh ‘Briefing on Mockdrill’ chungchang an zirtir.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram