MSU-in RUSA hnuaia dân dikloa hnalak chungchang ngaihtuah

Mizo Students’ Union (MSU) General Headquar-ters,Aizawl chuan nimin khan MSU Office ah executive meeting hmanhmawh a nei a, meeting hian Rashtriya Uchchatar Shiksha Abhiyan (RUSA) hnuaia dan diklo (advertisement chhuahlo)a hnalak chungchang a ngaihtuah.
MSU executive meeting chuan Central sawrkarin State hrang hranga Zirna In sang zawkte harsatna leh buaina sutkian a nih theih nan te,college building leh library tihchangtluna tihhmasawnna turte, zirtirtu mamawh zual college te phuhrukna tura a din Rashtriya Uchchatar Shiksha Abhyian (RUSA), Mizoram inrelbawl ṭan tir dan chu ṭha tawklo hlea an hriat thu an sawi a, RUSA hnuaia hnathawktu mi 23 lai lak dan leh RUSA pawisa hman dan ṭhenkhat phei chu diklo hle-ah an ngai a, sawrkar hna thla 3 chin thawk tur chuan advertisement kaltlanga lak a ngaih mai bakah Mizoram sawrkar hnuaia employment exchange kal tlanga lak tur a nih laiin inhrilh hriatna awmlo a heti teh tawpa hnalak hi MSU executive meeting chuan a hrethiamlo a, dan dik tak hnuaia he hna hi lak ṭhat leh a nih theihnan Higher & Technical Edcucation changtu Minister Pu R.Romawia hnenah thlen phawt a, chumi hnuah a ṭul dan ang zela hmalak an rel a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram