Murray leh Federer te champion tam ber

Andy Murray chuan Kevin Anderson hnehin a vawi 4-na atan Queen’s Club title a la leh ta a, heti hian Murray chuan John McEnroe leh Boris Becker te record siam nih rualin Queen’s Club champion tam ber te zingah a tel ve ta a ni.
British number one, Murray hian Aegon Championship, London-a khelhah hian minute 64 chhungin, 6-3, 6-4-in Anderson hi a hneh a ni.

Murray chuan “Kar liam ta ai khan ka khel ṭha zawk a, Wimbledon-ah pawh ka khelh ṭhat hi ka chhunzawm theih ngei ka beisei a ni,” tiin a sawi.

Hetihlai hian World no.2 Roger Federer pawhin Gerry Weber Open final-ah Andreas Seppi a hneh a, he hmunah hian ṭum 8 ngawt champion ta-in record thar a siam bawk.

Halle, Germany-a khelhah hian Federer hian final vawi 10 a khelhnaah 7-6 (7-1), 6-4-in Seppi hi a hneh a, hei hi tumina title 4 a lakna a ni bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram