MLPC Act hnuaiah ZIDCO in Lungleia zu a hralh chhuah ni 1-na niminpiah khan Rs.3,54,550 an hmu a, niminah pawh hetiang zat vel hi hmuh an inrin thu an hrilh a ni.
Lunglei ZIDCOa thawktu te chuan a nikhat ni ang em em khan Zu lei tur ten an bawr nasa tawh lo tih an sawi a, nimin lamah chuan an thawl tawh a, an awmna Venglai khawtlang hotu te ruahmanna leh rilru zauna azarah harsatna leh buaina engmah an tawk lo tih an sawi. Venglai YMA hruaitu te chuan an veng chhungah Zu rui leh Zu avanga nun thlahdah lo turin Zu lei tu te an chah a, nungchang mawilo awmlo tur a fimkhur turin an lo chah tawh a ni. Hetihlai hian Police lam pawhin tun ni 2/1 chhung chuan khawlaiah Zu rui an tam phah awm an hre rihlo tih sawiin a leitu te khan an mahni inah an hawn a, Zu rui man tur pawh an la awm rih lo tih an sawi a ni.
