Pawl 5 hnenah Sangha humhalh tha lawmman hlân

Fisheries Department chuan nikum chhunga Aizawl District huam chhunga lui luang sangha humhalhna kawnga hnathawk tha zual NGO hrang hrang intelkhawm pawl 5 hnenah sangha humhalh kawnga an hnathawh ṭhat lawmpuina leh an hma lak zelna puitu atan ṭanpuina Rs.40,000/- ṭheuh a hlan.
He incentive cash award hlanna programme hi Director Pu BD Tyagi-in a kaihruai a, ṭhiak Branch YMA leh Samlukhai Branch YMA, Tlawng dung Humhalh Joint Committee, Keifang Fisherman Association, Joint YMA Saitual leh Joint YMA Khawruhlian ten lawmman hi an dawng a ni.

Fisheries Minister Dr. BD Chakma chuan, YMA te chu tlawmngai pawl entawntlak tak an nih thu sawiin, ram leh hnam tana an hnathawh hi fak loh theih a ni lo a ti a, YMA inrelbawl dan chu tha a tih thu sawiin, mipui an kaihhruai dan chu entawn turin tlawmngai pawl thenkhat pawh a chah hial thin thu a sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram