Aizawl Republic veng chuan kumin kumtir January ni 9 a an venga râwng taka inthahna thlenga tualthattua puh Laltlanchhuaha Court inlan ni tur, nimin khan an veng tawntirh aṭangin Aizawl DC bula court tualzawl thleng kawng an zawh a, court ah hian engemaw chen an pungkhawm a, Laltlanchhuaha hi a inlan loh avangin, buaina thleng lovin an ṭin zui leh ta a ni.
Hemi hnu hian Republic veng Joint Action Committee chuan Resolution an siam zui a, hetah hian Pu Sangliansiama te chhungkua mi 5 râwng taka thattu Laltlanchhuaha chu dân anga a na thei ang bera hrem an duh thu te, tualthattu hi a damin emaw, a thiin emaw Republic veng chhungah lut tawh lo tura an tih thu te, a titu hian atualthahna a inchhirna a neih loh avangin dam tlaka an ngaih loh thu leh Court chuan a chungchang thu hi chaktakin kalpui se an tih thu an ziak a ni.
(pic:indianexpress.com)