Silpauline / Tarpauline sem tur buaipui man titawp

Disaster management lama thuneitu sang ber, Mizoram State Disaster Management Authority (SDMA) chu Chairman Pu Lal Thanhawla, Chief Minister kaihhruai-nain nimin khan a office cabinet room-ah an ṭhukhawm a, hetah hian Silpauline leh Tarpauline semnaa lo buaipui man Rs.100/- chhiat tawktute aṭanga lak ṭhin chu SDRF thil tum nen a inkalh avangin tihtawp nise an ti.
Meeting-ah hian Mizoram district hrang hranga khuanurel chhiatna thlengte sawihoin, chhawmdawlna tur sum ruahman mek a nih thute an sawi a, sum harsatna avangin duh anga chaka kal theih anih loh thute an sawi hmasa a ni.

Meeting-ah hian sawiho tur leh meeting-in a pawm atan agenda 9 chhawpchhuah a ni a, sawrkar-in chhiatna thleng thei a chhin-chhiah piah lama state tinin an state ṭheuh bika chhiat tawh theih list 14th Finance Com-mission-in siam tura rawtna a siam bawh-zuina chu meeting hian a pawm a. Hetah hian chhiat tawh chhawmdawlna hi chhiat tawktu hian a eizawnna hna a thawh lai emaw, a kal lam emaw a haw lam emaw a thleng a ni tur a ni a. Chhawmdawlna sum hi State Disaster Response Force (SDRF) aṭanga 10 % dah tur a ni.

Disaster Management Act, 2005 in a sawi angin chhiatrupna thleng thei tih tlem, State Disaster Mitigation Fund siam a, kum 2015-16 chhunga cheng vbc. 10 tal dah rawtna pawh pawm a ni a. Chhiat tawkte chhawmdawlna sum pek thuai an nih theih nan SDRF Fund aṭanga emergency fund siam pawh remtih a ni a, 14th Finance Commi-ssionin chhiatrupna thleng avanga chenna in chhe vek leh chhe nasa neitu hnena chhawmdawlna Rs.1,01,900/- pek a rawtna chungchangah meeting chuan in sakna hmanrua inanglo tak tak a awm avang leh a chhiat dan zirchian hmasak hnuah pek zât tur chu siam nise tiin rawtna chu pawm a ni bawk a, Mizoram State Disaster Management Plan 2015 pawh pawm a ni.

Hengte bakah hian sawrkar department tinin disaster management plan an neih, The Departmental Emergency Support Function Plan, department 12-in SDMA-a an thehluh te meeting hian a pawm bawk a, Administrative Training Institute a diasater management cell-ah Deputy Director (Training) leh Assistant Director (Training/Operation) post siam remtih a ni bawk a, National Disaster Response Force Training Centre pawh 5th IR Battalion Centre, Lungverh atanga Central Training Institute (CTI) Sesawnga sawn rawtna pawh pawm a ni.

SDMA-ah hian Chief Minister chu Chairman niin, Vice Chairman chu DM&R Minister a ni a. Member dang 7 awmin, chungte chu Minister te Home, Agriculture, Health &FW, PHE, UD&PA, leh LAD Minister te leh Pu Dominic Lalhmangaiha (Disaster Management Expert) an ni a. Chief Secretary chu Chief Executive Officer (ex-officio) a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram