Vawiin atangin endik tan dawn

Tun thla ni 8 aṭanga Bru laklet hna thawk turin Mizoram mi dik tak te endik hna vawiin aṭangin Tripuraa Kaskau Relief Camp ah neih tan a ni dawn.
Nimin khan Bru laklet chungchanga District Level Core Committee chu an Chairman Mamit DC Pu Vanlal-ngaihsaka hovin an thukhawm a, Pu Vanlalngaihsaka chuan Bru te lo let tur hian inbuat-saihna engkim peihfel a nih tawh thu sawiin naktuk atangin endik hna Kaskau Camp atanga tan a nih tur thu a sawi a, Mamit District -a lo let tur hian chhungkaw 2594 beisei an nih thu a sawi bawk.

Endik hna thawk tur hian Mamit atangin Team 3 SDC kaihhruaina hnuaiah an kal anga, Kolasib leh Lunglei atangin ankal bawk ang. Ven-him hna chu Mamit District chhunga Police te bakah 4th IR leh 5th IR ten an thawk dawn a ni.

Nimin Meeting-ah hian District Level Core Commtee Member te, Lunglei DC leh Kolasib DC office atangin official te an tel bakah Home Department lam tangin Dy- Secretary leh OSD an tel bawk.

Nimin vek hian Bru te Mizoram mi ngei an ni nge ni lo enfiah hnathawk a kal tur leh a lakletna a tel tur zawng zawngte tan tih tur inhrilh-hriatna hun neih nghal a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram