Zothlifim Logo
Loading ...

MNF Party President Pu Zoramthanga hova nimina MNF party frontal Joint Meeting chuan CAG Report-a sawrkar sum hman dik loh tarlante chu sawrkar mualphona a tling niin an sawi.
Resolution an siamah Mizoram sorkarin sum harsatna namenlo a tawh laiin CAG Report thar berah Sorkar sum hmanthiam loh zia leh hman dik loh zia nasa takin a lo lang niin an sawi a, sorkar tan mualphona a tling niin an sawi. Hei bakah hian Serlui ‘B’ HEP 12MW pe chhuak thei khawl pathum zinga pakhat chauh hman theiha a awm chu pawi an tih thu pawh sawiin, Khawl chhia te siam tha thuai turin sawrkar an phut bawk a ni.

Hei bakah hian Mizoram chhungah Thlarau Thiang-hlimin hnathawh nasa tak a lang mek tih an sawi a, hetih laia Thlarau Thianghlim chetna tur dodal zawnga Congress sawrkarin veng hrang hranga Zu zawrh nan ‘dawr’ belh zel tura hma a la zel chu pawi an tih thu an sawi a, Thlarau Thianghlim hnatawh lang mek pawh zah zo lova, veng ṭhen-khata Zu zawrh kaltlang pui an tumna chu titawp a, sawrkar hian Congress Bhavan a zuar tawh mai turin thurawn an petih an tarlang bawk a ni.

MNF Party hnuaia Frontal hrang hrang thukhawm hian kumin kum tawp lama AMC inthlan lo awm tur pawh thlir lawkin, campaign beihpui thlak dan tur an sawiho bawk.