Skip to content
Home » Chanchinthar » Champhai khaw chhunga kawng sira thil zuar ṭhin te ṭhutna tur hmun thlang fel

Champhai khaw chhunga kawng sira thil zuar ṭhin te ṭhutna tur hmun thlang fel

Champhai Town Vending Committee chuan nimin khan I&PR Conference Hall-a an Chairman Champhai DC Pu H.Lalengmawia hova an ṭhutkhawmnaah Champhai khawchhunga kawngsira inzuar (vendors)-ten inzawrh-na tur mumal tak an neih theih nan VC 5 huama kawngsir dunga inphona tur vauchher lawkte thlirhovin, hmun 13 chu inphona atan pawm a ni.
DC chuan sawihawnna hun hmangin, khawtlang hmasawnna ngaihtuah tura kalkhawm an nih avangin member-te chu huam zau leh hleih neilo taka rilru seng turin a sawm a. Mipuiten thahnem ngaihna tak tak rilru kan put tlan chuan mi rinawmte eizawn-na tichhe lovin khawtlang thianghlimna leh hriselna atan hma a lak theihzia a sawi a. Eitur zuar ten mihring tana hrisel tawklo thil an zawrh loh nan en thlithlai a hmalak kawng-ah he committee hian thu a neih thu DC Pu H. Lalengmawia chuan a tarlang bawk.

Meeting-ah hian Champhai hmun 13 chu vending zone-ah pawm a ni a. Heng hmun te hi kum khat chhung atan hman phawt tura rel a ni a. Vendor in register, vending zone ruat a hmun changlo an awm chuan bazar ah inphona tur hmun ruahman sak committee hian a rel bawk. Marketing Officer, Champhai atanga report ngaihthlak a ni. Marketing Officer Champhai atanga report pe in, Champhai Bazar pui chu a thawl thu leh, kawngsira inzuarte hi Bazar puiah sawn vek pawh nise, bazar building hian a la dawl zawh tur thu a sawi a ni.

Nimin ṭhutkhawmah hian Member Secretary Pi V. Lalmuanpuii, DUDO; Addl. SP Pu VL Lura Hauzel leh member dangte an kal thahnem hle a. An ni bakah hian Sorkar Department leh NGO atanga a bik a sawm te an tel bawk.

Leave a Reply

This site uses Akismet to reduce spam. Learn how your comment data is processed.