Djokovic-a’n Semi-final thleng; Murray Vs Federrer

Wimbledon Champion lai Novak Djokovic chuan a title humhim a hnaih zel a, Quarterfinal-ah Marin Cilic chu 6-4, 6-4, 6-4-in a hneh a, Semi-Final-ah Richard Gasquet a hmachhawn dawn a ni.
Gasquet hian French Open champion Stan Wawrinka chu 6-4, 4-6, 3-6, 6-4, 11-9-a hnehin Semi-Final hi a lut a, Gasquet tan tun ṭum hi kum 2007 hnu-a Wimbledon semi-final a luh leh hmasakna ber a ni a, Semi-Final-a a hmachhawn tur Djokovic nena vawi 13 an lo inkhelh tawhah vawi 12 ngawt alo chaklo tawh a ni.

Andy Murray chuan kum 7 chhunga a vawi 6-na turin Wimbledon Semi-Final a thleng leh ta a, Semi-Final thleng tur hian Vasek Pospisil a hneh a ni.

Third Seed Murray hian darkar 2 leh minute 13 chhungin 6-4, 7-5, 6-4-in hnehna a chang a, Zirtawpni khian Semi-Final-ah Second seed Roger Federer a hmachhawn dawn a ni.

|um 7 Wimbledon-a lo champion tawh Federer hian Semi-final thleng tur hian Gilles Simon chu 6-3, 7-5, 6-2-in a hneh a, Federer-a’n Wimbledon title a lak hnuhnun ber chu kum 2012 kha niin, khami kum final-ah khan tuna semi-final-a a hmachhawn tur Murray hi a hneh nghe nghe a ni.

Vawiinah mipa semi-final hi an khel ang.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram