Nimin chawhma dar 10:00 khan St.Peter’s Higher Secondary School,Chhingchhip-ah 2nd Er.C.Lianthangpuia Award for Proficiency in HSLC 2015 sem a ni a, Pu Hmingdailova Khiangte, Parliament Secretary, Govt of Mizoram chu khuallian a ni.
Nimina Er.C. Lianthang-puia hriatrengna ‘Proficiency Award for HSLC’ semna inkhawm-ah hian Brother Paulose, Principal, St.Peter’s HSS-in inlawmna thu a sawi a, khuallian hian kum 2015 a HSLC Examination-a St.Peter’s HSS aṭanga Topper Lalthlamuani d/o Lalthla-muana, Chhingchhip leh Govt High School, Chhingchhip aṭanga topper Lalremtluanga S/o Lalthantluanga te hnenah pawisa fai Rs.3500 leh lawmpuina Thuziak a hlan a ni.
Khuallian Pu Hmingdai-lova Khiangte chuan zirlaite hmaah thusawiin, Chhing-chhip khua chu Kut hnathawk nasa leh zirna ngaisang khua an nih avangin a ngaihsan thu a sawi a, ramin harsatna chi hrang hrang kan tawh chhoh-na te tifel a, hmalam panpuitu tur chu tuna zirlaite an nih thute, zirlaite chu chhungkua, ram leh hnamte nghahfak an nih thu a sawi a. Zirtirtute pawhin eizawnnan ringawta hmang lova, tihtakzetna leh thahnemngaihna nena zirtir hna thawk thin turin a chah a, All India Civil Service Examination-a Mizote kan lang tlem thin lutuk chu pawi a tih thu a sawi.
He hunah hian Pi Sang-thanmawii w/o Er. C.Lian-thangpuia(L) leh Lalrinpuia Ralte,Secretary, Chhingchhip Welfare te pawhin thu an sawi a, Pu Francis Lalhmangaiha, Teacher Govt H/S Chhing-chhip-in lawm thu sawina a nei bawk.
St.Peter’s Higher Secondary School Chhingchhip hi kum 1962 khan Roman Catholic Kohhran ten lo dinin, tunah hian thawktu mi 32 an awm mek a ni.
Er.C.Lianthangpuia hi kum 1963 ah a piang a, Chhingchhip khawchhuak niin, St. Peter’s Higher Secondary School atanga zir chhuak niin July 27th ,2013 khan chatuan ram a pan tawha, amah hraitrengna ‘Proficiency Award ‘ hi kum 2014 atang kum tin an nei chho zel a ni.