Zothlifim Logo
Loading ...

Wimbledon champion hlui, Lleyton Hewitt chuan Wimbledon a khelh tawp berna turah First Round a paltlang zo lova, Jarkko Nieminen hneh lovin a tla a ni.
Kum 34 mi, Hewitt hian 3-6, 6-3, 4-6, 6-0, 11-9-in Nieminen hi a hneh lova, kum 2002-a he hmuna lo champion tawh, Hewitt hian nakum Australian Open khelh zawhah Tennis chawlhsan a tum tawh a ni. Nieminen hian Second Round-ah Champion lai leh World No. 1 Novak Djokovic a hmachhawn dawn a ni.

Hmeichhe lamah Champion lai leh 2nd Seed, Petra Kvitova chuan a title kawl lai humhim tumin, Straight set-in Kiki Bertens chu 6-1, 6-0-in a hnneh a, Angelique Kerber chu kumin Wimbledon-a Game khat mah hloh lova chak thei pathumna niin, 6-0, 6-0-in a hnampui, Carina Witthoeft chu a hneh a ni.

French Open Champion Stan Wawrinka chuan 6-2, 7-5, 7-6 (7-3)-a Joao Sousa hnehin Second round a lut a, 11-Grigor Dimitrov, 21-Richard Gasquet, 14-Kevin Anderson, 5-Kei Nishikori, 7-Milos Raonic, 27-Bernard Tomic, 23-Ivo Karlovic, 25-Andreas Seppi, 20-Roberto Bautista leh Tommy Haas te pawhin Second round an lut bawk a, First Round paltlang zo lo zingah 19-Tommy Robredo a tel thung a ni.

Hmeichhe lamah Sloane Stephens, 6-Lucie Safarova, 29-Irina Begu, 14-Andrea Petkovic, 16-Venus Williams, 17-Elina Svitolina, 20-Garbine Muguruza Blanco leh 30-Belinda Bencic ten First Round an paltlang a, First Round paltlang zo lo player langzar zingah Roberta Vinci, Kaia Kanepi leh Dominika Cibulkova te an tel a ni.