Kolasib-ah Excise Quarter aṭangin zu hralh chhuak

Kolasib-a zu dawr hawn phalna neitu chu veng pathumah a hnawn hnu-in a zu chhek khawl sa te Excise Quarter pakhat atanga hralhchhuah tir a ni.
Zu dawr hawn phalna neitu hian atirah Khuang-puilam-ah zu dawr hawn tumin khawtlang dodalna avangin Rengtekawn-ah a insawn a, Rengtekawn-ah pawh hian a hnawn leh tak avangin Tuithavengah hawn tumin a insawn leh a, hetah pawh hian a hlawhchham leh tak avangin, vawiin khan a zu chhek khawl sa te Kolasib Excise and Narcotics hotute remruatpuina-in Excise Quarters ruak pakhat atangin hralhchhuah tir a ni a, tuna a chhek khawl sa te a hralh zawh chuan hmun dang remchang a dap a ṭul dawn tih Kolasib Excise Superinendet Pu Z.Lalhmangaiha chuan a sawi.