Kvitova, Federer leh Nadal te an chak

Wimbledon champion lai, Petra Kvitova chuan a title humhim turin a match hmasa berah awlsam takin hnehna a chang a, hetihlai hian nikuma runner-up Euginie Bouchard chu a tla nghal thung a, mipa lamah Andy Murray, Roger Federer leh Rafael Nadal te pawhin Second round an lut bawk.
Second Seed Kvitova hian Kiki Bertens chu minute 35 chhung lekin 6-1, 6-0-in a hneh a, hetihlai hian 12th seed Bouchard hi Qualifier Chinese nula Ying-Ying Duan lakah 7-6 (7-3), 6-4-in a tlâwm thung a ni.

Third Seed Simona Halep pawhin First Round a paltlang zo lova, world number 106 Jana Cepelova lakah 5-7, 6-4, 6-3-in a tlâwm a, Danish fifth seed Caroline Wozniacki chuan 7-5, 6-0-a Saisai Zheng laka hnehna changin Second round a lut a, 18th seed Sabine Lisicki pawhin 7-5, 6-4-a Jarmila Gajdosova laka hnehna changin First Round a paltlang bawk.

Hmeichhe lamah First Round paltlang zingah 25-Alize Cornet, 15-Timea Bacsinszky, 8-Ekaterina Makarova, 26-Svetlana Kuznetsova, 28-Jelena Jankovic leh 13-Agnieszka Radwanska te an tel a ni.

Murray chuan a match hmasa berah Mikhail Kukushkin chu darkar 2 leh minute 13 chhungin 6-4, 7-6 (7-3), 6-4-in a hneh a, Murray hian Robin Haase a hmachhawn leh dawn a ni.

Champion hlui pahnih, Federer leh Nadal te pawhin awlsam takin First Round an paltlang a, Federer hian minute 67 chhung lekin Damir Dzumhur chu 6-1, 6-3, 6-4-in a hneh a, Nadal hian chak nan hun a duh rei hret a, Thomaz Bellucci chu 6-4, 6-2, 6-3-a hnehin Second round a lut bawk.

13th Seed Jo-Wilfried Tsonga chuan Gilles Muller chu Set 5 a khelhpui hnu-ah 7-6 (10-8), 6-7 (3-7), 6-4, 3-6, 6-2-in a hneh hram a,  First Round paltlang thei zingah hian 6-Tomas Berdych, 18-Gael Monfils, 12-Gilles Simon, 15-Feliciano Lopez, 22-Viktor Troicki, 30-Fabio Fognini leh 23-Ivo Karlovic te an tel a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram