Zothlifim Logo
Loading ...

Nikum, 2015 chhung khan Aizawl Traffic Police ten Lirthei dan bawhchhia 17,726 an man a, kum hmasa 2014 a man zat 9,535 aiin dan bawhchhia an pung nasa hle.
Traffic SP sawi danin, lirthei dan bawh-chhia hi Lirthei ke 2 chi ah an tam ber a, 2015 chhung khan 10,594 awmin 2014 ah 4,606 an awm a, kum 2 chhung chawh-rualin an tam bera, taxi in a dawt a ni.

Lirthei dan bawhchhiatna thleng zingah lirthei hûn phallohna a dah an tam ber a, Driving Lisence keng lova lirthei khalhin dawtin, luh phalloh huna a lirthei kal avanga dan bawhchhia, Rui chunga lirthei khalh leh Signal leh thupek zawm lova motor khalh te chu Traffic dan bawhchhiat zingah a sang fal te an ni.

Hetihlai hian kumin January thla chhung khan Aizawl District huam chhunga mimal Lirthei 620 leh Sawrkar lirthei 8 Transport Office ah ziahluh a ni a. Heti hian kumin January thla tawp thlenga Aizawl District huam chhunga lirthei ziahluh zat chu 1,09,237 anga chhin-chhiah a ni. Aizawl district a lirthei awm zingah hian 1,02,126 chu mimal ta a ni a, Sawrkar lirthei 7,111 a awm mek bawk a ni.