Chekawn-in Fire Prevention Week hmang

Serchhip District chhunga Chekawn khua chuan an khaw tan nimin khan ram kâng vên hapta (fire prevention week) an hawng.
He hunah hian an Village Council leh YMA leh khaw-tlang dang hruaituten ram tihkan pawizia leh mitin te fimkhur a ṭul zia te, an khua chu ram tikâng ngai lo ber an nih ṭhin thu leh he an ze mawi tak hi chhawm nung zel tura ṭan la tur leh khawdang entawn tlak ni zel tura ṭan la turin mipui kal khawm te an chah a ni.

He hunah hian sikul nau-pang te leh nu leh pa zawng zawngte tel tura an beisei angin kal an ṭhahnem hle.

Mizoram sawrkar chuan lo hâl turte chu March ni 15 hmaa hâl vek turin a hriattir a, khaw hrang hrang VC te chu an Area chhunga huan/lo ram nei zawng te an vah zau zawng leh an hâl ni turte anmahni VC ṭheuhah report felfai taka pe-a VC tinten DLAO te hnenah thehlut vek  tura tih an ni a, lo hâl turten mahni vah bâk tikâng lo tura meikawng/ meilam sial vek tur leh kawng sir thingphun (Roadside Reserve) te leh sawrkar thlai chinte tikang lo tur te, lo hâl te mai nilo, khualzin veivak leh mi inthlahdahte aṭang pawha kangmei chhuak thei a nih avangin  heng mite  hnenah hian fimkhur tura hriattir chhuah  ṭheuh turin thupek a chhuah bawk a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram