Kângmei vênna turin District Bawrhsapin thupek chhuah

Serchhip District Magistrate leh District Bawrhsap ni bawk Dr.Lalrozama, IAS chuan lo hâl leh chhan dang hrang hrang vanga ramngaw, In leh bungrua kang ral ṭhin laka mipuite him theih nan Sec. 144 Cr.P.C in thuneihna a pek tlawhchhanin Serchhip District huam chhunga zawm turin thupek a chhuah.
District Bawrhsapin thupek a chhuahah chuan mi tumahin March ni 15, 2016 hnu lamah Lo /huan leh leipui an hâl tur a ni lo a ti a, meilam ṭha tawk sial hmasa lo chuan tumahin Lo /huan leh leipui an hal tur a ni lo a ti bawk.

Hei bakah hian mi tumahin mihring nunna leh bungrua/ro thil tana hlauhthawnawm chi reng rengin kangmei an tichhuak tur a ni lo a ti a, eirawngbawlna leh ran chaw chhumna leh intihlumna atana hman – thuk, meihawl, khawnvartui, gas, electric thuk etc. kangmei duhawmlo tichhuak thei zawngin tumahin an chelek/hmang tur a ni lo a tih a, tin, mi tumahin ramhnuaia an meichhem timit lovin an kalsan tur a ni lo a ti bawk.

Thupek zawm lo te chu Sec. 188 IPC hmanga hrem theih an ni dawn tih a sawi a, he thupek hi sut leh a nih hma chuan February ni 16, 2016 aṭanga chhiar a thla hnih chhung hman tur a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram