Mizoram Rural Bank-ah Insurance hrang hrang tih theih

Nimin khan MJA General Hqrs. leh Mizoram Rural Bank, Treasury Square Branch buatsaihin Journalist-te tan Aizawl Press Club-ah Financial Literacy and Credit Awarness campaign neih a ni.
MJA Presidet Pu Vanlal-rema Vantawl chuan MJA tana Financial Literacy chungchang zirna buatsaih a ni chu a lawm-awm hle a ti a, pawisa chu khawi aṭanga lo kal nge, eng aṭanga siam nge, rangkachak hlutna, etc, te chu hriat ve a ngai a, sum virvel awmzia hriat a ngai a ti a, sum khawl ṭhatzia leh hlut-zia, renchem ṭhatzia leh khawih chet loha bank account-a sum dah a ṭhatzia a sawi.

He Financial Awareness Campaign-ah Pu C.Lallung-muana, MRB Treasury Square Branch Manager chuan Bank te chu India sawrkar budget engmah pawthek lovin mipui leh ram tana kal nasa ber a ni a ti a, mahni fate hminga anmah-ni account-a thla tin Rs.100/- vel emaw dahsak ṭhin (Standing Instruction) chu Rural bank-ah chuan a tih theih reng a, thil tihchi tak a ni bawk a ti. Budget leh ruahmanna ṭha chu fate tan pawh neih ṭhat a ngai a ti.

Pu Lalrindika Fanai, Chief IT Officer, MRB, Head Office, Aizawl chuan Money trasfer leh a kaihnawih chungchang a sawi a, Pi Sangzeli, Sr. Manager, Cross Selling, MRB, Head Office, Aizawl chuan Insurance leh a kaihnawih chungchang sawiin Rural Bank-ah chuan mimal tan leh chhungkaw tan insurance chi tamtak a tih theih a ti a, Life Insurance te, General Insurance te, Vehicle insurance te, Building insurance te, Health Insurance Policy te, bungraw insurance thlengin a tih theih a ti a, Bank account hawn rualin Insurance policy chu a tih theih nghal a ni a ti.

Heatlh Insurance policy chu sawrkar hnathawk leh thawk lo tan pawh a tih theih a, nausen thla 3-kum 63 thleng tan a tih theih a ti a, cheng nuai 1- 5 thleng a claim theih a ti. Mizoram chuan Green Wood Hospital leh Care Hospital te-ah nen an inthlunzawm thu a sawi a, Building Insurance chu khuarel chhiat rupna thlen palh pawhin sum a claim ve theih a ti.

Atal Pension Yojana chu kum 18-40 inkar tan a tih theih a, March ni 31 thleng chauh Govt. contribution a awm dawn avangin tun March thla ral hmaa tih a ṭha a ti , Prime Minister Insurance scheme hrang hrangte chu chhungkua leh fate pawh a tangkai em em a, a hrechiang duhte tan pawh Rural Bank-ah zawhfiah zel theih a ni a ti.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram