Naktuk aṭangin Scholarship sem tum

Nimin khan Mizoram Scholarship Board-ah Secretary hoin Mizo Zirlai Pawl, Mizo Students’ Union leh Aizawl City College Joint Students’ Union hruaitute Post Matric Tribal Scholarship sem dan tur chungchangah meeting neih a ni a. Scholarship hi Ni 10-22 February, 2016 chhunga sem zawh hman tura ruahmanna siam a ni.
Ruahmanna an siam dan chuan ni 10-12.2.2016 chhung-in Mizoram pum College Zirlaite tan sem a ni ang a, ni 15.2.2016-ah HSSLC zirlaite tan, ni 17.2.2016-ah Mizoram pawn zirlaite tan, ni 19.2.2016-ah Hindi, Ignou etc. zirlaite tan leh ni 20.2.2016-ah NIOS etc. Zirlaite tan sem tura ruahmanna siam a ni.

Zirlai pawl hrang hrang MZP, MSU leh ACCJSU-te chuan Zirlaite nghahhlelh Post Matric Tribal Scholarship sem chhuah thuai a nih theih nana Mizoram Scholarship Board a thawktute chungah leh Mizo-ram sawrkar chungah lawmthu an sawi a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram