Zothlifim Logo
Loading ...

Nikum chhung khan Mizoram hmun hrang hranga TB vei nia rinhlelh mi 9658 zingah 2088-in an vei tih hmuhchhuah a ni a, TB vanga thi hi mi 38 an awm a ni.
Nimin khan Aizawla Health Worker Training School Auditorium-ah TB enkawlna chung-chang thlirhona hi NHM Mission Director Dr. K.Lalbiakzuala hova neih a ni a, hetah hian TB veite enkawlna tur CB-NAAT Khawl Champhai leh Lunglei District a dah thuai tur a nih thu tarlan a ni.

Dr. Lalbiakzuala chuan TB venna atana pawimawh ber chu a veite hmuhchhuah hma a enkawlna pek thuai a nih thu sawiin, TB veite te hmuh chhuahna kawnga nasa taka hmalak a ṭulzia a tarlang. TB donaa thawktu zawng zawng ten theihtawp chhuah a an thawh chhunzawm zel a pawimawhzia tarlangin, Programme-in hma a sawn zel theihna atan programme-in hma alak tawhna te atanga thlirletin harsatna a tawh te sutkian nana hmalakna thar siam zel a pawimawh thu a tarlang bawk.

He meetingah hian District hrang hrang atangin District TB Officer leh RNTCP Staff Accountant leh DEO te an tel a ni.