Zothlifim Logo
Loading ...

Mizoram sawrkar, Environment & Forest Department-a Conservator of Forest (WL)-in report a dawn bawh-zuiin nimin zing khan Kham-rang khaw chhehvel rama Sava tam tham tak kap thla thin (Mass Killing/hunting of Birds) tihtawp a nih theih nan tlawmngai pawl hrang hrang leh E&F Department hotute a hmunah kalin an enfiah.
Khamrang leh a chhehvel ram enfiahtute hi Central YMA, BIOCONE, ASEP leh SENVA bakah Green Mizoram Network (GMN) hruaitute an ni a, Range Officer (RO) Kawnpui-in a ho a, zirchiangtute’n report an dawn danin henglai rama Sava kap thla ṭhintute hi a tam zawk chu Aizawl lam mi nia sawi a ni a. Silai ṭha tak tak nen ṭumkhatah Sava tam tham tak an kapthla ṭhin ni a hriat a ni.

Tun tumah hian heng mite hi an man fuh lo a, man an nih chuan Wildlife Protection Act, 1972 hmanga na taka hrem theih an ni tih sawiin, hetiang tihching te hian ti tawh lo tur in tlawmngai pawl hrang hrang leh Environment & Forests Department chuan an hriattir a ni.

(Pic:K.Lalmuansanga via ASEP Facebook Group)