Zothlifim Logo
Loading ...

MZP in zirlai ten Scholarship rang taka an lak theih nan leh felfai taka an dawn theih nan hma a la zel a, nitin Scholarship Board hotute nen inbia in zirlaite Scholarship chungchang ah harsatna an tawhte a rang lama sutkian sak a, felfai taka an dawn theih nan scholarship board hotute nen hma an la chho zel tih MZP chuan thuchhuah siamin an sawi.
An thuchhuahah chuan nimin khan Pu JH Zorem-thanga Secretary, MSB leh MZP hruaitute inkawm in, zirlaite Scholarship sem mek dan leh harsatna tawh mek te sawiho tih an tarlang a, College zirlai tam tak hian Bank Account an inhman ṭawm avang leh IFSC code dik loh vang leh Bank A/C an khawih chet loh ṭhin avangin harsatna an tawk a, an Scholarship pawh tun thlengin a luhtheih loh phah a ni tih an sawi a, Electronic lam thil anih avangin thil tih zung zung a har a, Zirlaite hriatthiamna pawh MZP chuan a ngen a ni.

Scholarship hi a nawlpui February thla chhunga sem zawh hman vek tum a ni tih MZP chuan an sawi a, heta harsatna nei ten ni 27-29 Febuary 2016 chhungin Complain an theh lut thei ang a, Complaint nei ten March thla chhung hian Scholarship an la dawn chauh a ni.

March thla chhung hian complain awm zawng zawng nen Scholarship hi sem zawh vek tum a ni tih MZP chuan an thuchhuahah chuan an tarlang bawk.