Zothlifim Logo
Loading ...

Nimin khan Serchhip District Bawrhsap Dr. Lalrozama, IAS hovin a pisa ah “Zeng hri danna pek runpui” (Intensified Pulse Polio Immunization) February ni 23 – 25, 2016 chhunga neih leh turah Serchhip District pumpui a hmalak dan tur ngaihtuah a ni a, meeting ah hian Dr. Laldawngliana Sailo, Chief Medical Officer, Dr. Z.D. Lalmuanawma, Medical Superintendent, JN Hospital leh Dr. Lalhlunpuii, District TB Officer te an tel a ni.
Bawrhsap chuan District chhunga naupang kum 5 hnuai lam ten kim taka zeng hri danna (vaccine) an lak a pawimawh-zia sawiin, District chhunga nu leh pa te pawh an fate zeng hri danna la pe lo an awm anih chuan he hun hi ngaipawi-mawha pek tir vek turin a ngen a, District chhung khawtinah zeng hri pekna tur hmun booth siam a ni ang a, heng booth atan hian a remchan dan azirin health sub-centre, School leh Angan-wadi centre te hman a ni ang a, health department a thawk ten naupang zeng hri danna hi a thlawnin an lo pe dawn a ni.

“Zeng hri danna pek runpui” (Intensified Pulse Polio Immunization) hi kum 1995 atang khan India ramah kum tin neih a ni a, a tirah naupang kum 3 chin tan zeng hri danna hi pek niin kum 1996 atang khan naupang kum 5 chin tan pek tan a ni.