Central YMA buatsaih, YMA Kumpuan ‘Ram leh hnam humhalh’ hawnna inkhawm chu Zirtawpni zan khan Vanapa Hall-ah neih a ni.
Kumpuan hawngtu CYMA President Pu Lalbiakzuala chuan thusawiin, ‘Ram leh Hnam humhalh’ kawng-ah YMA thanharh a tul thu a sawi a. Tun dinhmunah Chakma leh Tuikuk awm tha duh loh ten harsatna an siama, an duh duh a tih theih Mizo te an ni lo tih a taka lanchhuah tir a ngai a, anni tello hian Mizoram hi a kal thei a ni a ti. Ram leh hnam humhalh tur chuan ramri-a harsatna tun thlenga la chin fel theih loh a awm chu tu mawh nge a nih tih kal khawmte zawtin, inchi khat pawha pawh pen a nih loh nan YMA ten an mawhphurhna-a an ngaih a tul a ni a ti. Ram ngaw leh nungcha nasa taka tih chereu a a awm chu hum-halh a ngai hle tih a sawi bawk.
Pu Lalbiakzuala chuan ram leh hnam humhalh turin Zu leh ruihhlo do a ngai reng a ni a ti a, YMA chuan a dona kawngah a mawhphurhna a hlen zel a ngai a ni a ti. Heng bakah Mizoram chu intodelhna kawngah hma a sawn loh chuan ram leh hnam a humhalh theih loh tih a sawi a, leilung fate thawh ve theih reng chu hnamdang ten thawkin Mizo te thawh chhuah ve theih tur cheng maktaduai chuang Cacharah thawn thlak reng a ni tiin thawh ve theih reng tih loh avangin Mizo hnamin a rah a seng mek a, ILP nei mumal lo tam tak an rawn luh phah ta tih a sawi a ni.
Tv. Lalhmachhuana, Gen. Secretary in Kumpuan Thupui sawiin Kumpuan bawhzuina kawnga Central YMA hma lo lak tawh dan leh kawng hrang hranga Zoram dinhmun a sawifiah a ni.