Nimin khan Mizoram Pradesh Youth Congress Committee (MPYCC) chuan thushhuah siamin, Aizawl Municipal Corporation (AMC) Mayor PC Lalhming-thanga’n AMC sawrkar thar chu ‘Zero Balance’ in bul an tan thu a sawi chu thudiklo a ni an ti.
Nimina an thuchhuahah chuan MNF party chuan ni 5.2.2016 khan Zirtawp inkhawm an nei a, heta thusawitu Aizawl Municipal Corporation (AMC) Mayor PC Lalhmingthanga’n AMC sawrkar thar chu ‘Zero Balance’ in bul an tan thu a sawi tih an party thuchhuahah chiang taka tarlan a ni a, hetianga Aizawl enkawl tur berin mipui hriata thudik lo a puang ta mai hi pawi kan ti a, a thusawi hi sawifiah leh turin Congress |halai chuan an phut tih an sawi.
AMC sawrkar hmasa khan sawrkar thar hi a pawisa fai pawhin cheng nuai 200 chuang an hnutchhiah bakah parking fee leh property tax te a la lut reng a ni, an ti a, “Zero Balance hi ka sawi lo a, press miten ka thusawi loh angin an ziak,” tia a thawhpuite hnena phatmar leh a tum hi pawi kan ti a, Press mite thuchhuah sual anga a sawi pawh hi ngaihdam dil ngei rawh se, an ti bawk.
