Zothlifim Logo
Loading ...

Mihring taksa bung rang \henkhat te chu hlawhtling taka thlâk a lo ni tawh \hin a, Kal (Kidney) \halo te pawh thlâksak an ni fo a, mahse midang taksaa lu vuah (Head Transplant) erawh khawvelin a la hmelhriat ngai lova, mahse tunah hian lu vuah sawn (Head Transplant) tihhlawhtlin theih inring mithiam te hman turin lu vuahsawn tura inpe a awm a, khawvela luh vuah sawn hmasa ber neih tumin an intihtuah mek a ni.

Head Transplant tura inpe hi kum 31 mi, Russian Valery Spirindonov niin, Moscow-a a in a\angin Educational Software Company a kalpui mek a. Mahse Spiridonov hian natna a nei a, chu chu Werdnig-Hoffmann Disease a ni a, a tihrawl leh hriatna thazam a chhia a, wheelchair hmanga kalkual vel mai mai thei chauh a ni a, a natna hi tihdam theih loh niin, Doctor te chuan thihpui mai tura an rin a ni.

Hetihlai hian Head Transplant tihhlawhtlin theih inring Chinese Surgeon a awm a, amah chu Xiaoping Ren, kum 55 mi a ni a, United States-ah a cheng a, a vawi khatna atana hlawhtling taka kut vuah sawn (Hand Transplant) titu team-ah a tel a, vawk ke hma pawh a lo thlak thleng tawh bawk a ni.

Ani bakah hian Italian Neurosurgeon, Sergio Canavero, kum 51 mi chuan kum 2013 khan mihring lu vuahsawn (human head transplant) tih a duh thu hi a lo sawi tawh bawk a ni.

Canavero leh Ren ten khawvela a vawi khatna atan head transplant tih an duh a, Spiridonov chu hemi atan hian a inpe a, hemi chungchangah hian Canavero chuan Transplant hi kum 2017 kumtir-ah tih a ni mai thei tih sawiin, a hlawhtlin theihna chance hi za-ah 90 a awm a ni a ti a, he thil hi kalpui theih a nih chuan Surgeon 80 vel leh a senso tur Dollar maktaduai 10 vel mamawh a ni dawn tih a sawi a, hemi chungchang ziaktu, Sam Kean chuan he thil hi a taka kalpui tur a nih chuan China-ah kalpui a nih a rinawm tih a sawi a, a chhan chu US leh Europe ram dangte chuan phalna an pek theih a beiseiawm loh a ni a ti.

Hetihlai hian Scientist \henkhat leh Doctor tam tak chuan he an thil tum hi a taka tihhlawhtlin theih loh thil Science thiamna hmanga beiseina awm ve mai maiah an ngaihsak a ni.