Serchhip Block Congress Committee ten VCP thenkhatte leh khawtlang parawn te berawn chungin, Serchhip Chanmari Vengtharah District Hospital sak a nih ngei theih nan hma an la mek
Serchhip Block Congress Committee hian nimin zing khan an President Pu PC Van-lalsawma inah, ama kaihhruaiin Serchhipa Damdawi in building thar sak tum chungchang hi an sawiho a, he hunah hian ram neitu aiawh pahnih Pu Lalremsiama Kawlni leh Pi Vanneii te pawh an tel a, ram neitute chuan he damdawi in sak nana an ram an pek aiah sawrkar hna nghet pe lêt ve thei se tia an lo phût tawh, sawr-karin a la tihhlawhtlin vek loh thu leh hna nghet ni thei ngei se an duh thu te an sawi nawn leh a. Meeting-a tel te hian ram neitute hna nghet pêk harsa a tih avanga mutân awm chu, in beng hniam a, hna nghet kher phût lo phawt tur leh a tul dan anga dah ngheh chhoh zel tura inngaithiam turin ram neitute chu an ngên a, an ngenna ang hian ram neitute pahnih chuan lo inngaihtuah nawn leh an tum thu an sawi a ni.
Khum 100 awm theihna tur Serchhip District hospital sak tum mekah hian tuna sakna tura ruahmanah hian ram neitu ten an mahni remchan dan angin Health department te biain hma an la a. Health Department bakah Chief Secretary hova ngaihtuah a nih hnuah pawh ram petute hna nghet pek chu harsa an tih si avangin helai ram hi a fel thei rih lo a ni. Chutih rualin meeting chuan Chanmari venga Damdawi in hmun tura tih hi Chief Minister-in harsatna awma ngaia ram ruak dang Khawtetlang hmawr tawpa mi a enfiahtir ai chuan a zau tha a, a bul hnaia awm tur Nursing school building sak a ni tawh bawk si nen, hmun danga damdawi in sa lova helai hmunah ngei hian sak a nih theih nan hmalak zui zel ni se, a tul dan angin Aizawlah lamkal pawh intir tha lehin, ram petute thil phût te pawh nawrpui nise an ti a ni.
Nimin zinga Serchhip District Hospital sakna tur hmun chungchang sawihonaah hian Block Congress OB te, VCP te, Sub-Hqrs YMA President Pu R.Sanghmingthanga bakah khawtlang parawn, Serchhip District Site selection committee hruaitu ni bawk Pu K.Chawiliana leh Pu R.Lal-daihzauva te pawh an tel a ni.
Health Minister Pu Lalthanzara’n Thenzawl a tlawh-naah Serchhipa District Hospital sak turah ram neitu ten har-satna an siam avanga Chief Minis-ter-in a sakna tur hmun dang a zawntir niin a lo sawi tawh a, hemi avang hian Serchhip khaw-tlang aiawh te hian Block Congress Committee te kaihhruai-na hnuaiah nimin zing khan meeting hi an kova, hemi hma lam hian Khawtetlang ram âwl leh Chanmari Vengthara Damdawi in sakna tur hmun atana thlan tawh te chu a hmuna kalin an enfiah nghe nghe a ni.