Zothlifim Logo
Loading ...

Pi Sangchhin Chinzah, District Magistrate Serchhip District chuan ran hri leng avanga Serchhip District mipuiten harsatna an tawh lohna atana lo invenna turin thupek a chhuah.
District Magistrate thupekah chuan nipui alo thawt chhoh ṭan lai hian Vawk pul hri (PRRS) leh Ar pul hri (Bird flu) lên a hlauhawm hle a, Serchhip District mipuite chu he hrileng avanga buaina / harsatna a thlen loh nana lo invenna turin leh mipuite an him zawk theih nan, Section 144 CrPc hmangin khapna thupek a chhuah tih a sawi a, thupekah chuan Mizoram sawrkar AH & Vety Department  hriattirna leh section 144 CrPc 1973 in thuneihna a pek angin Serchhip District huam chhungah mi tumahin ram dang (Foreign Country), a bik takin Myanmar aṭangin Vawk leh Vawksa aṭanga thil siam leh Ar leh Arsa aṭanga thil siam, natna hri pu lut thei ang chi reng reng an la lut tur a ni lo tiin thupek a chhuah a, he thupek zawm lotu chu 188 IPC hmangin hrem an dawn tih tarlangin, he thupek hian thupek chhuah ni, ni 19 May, 2017 aṭanga thla 2 chhung a huam dawn a ni.