Serchhip damdawi ina Surgeon awm zel theih nan hma la mek

MZP Hqrs., Serchhip chuan thuchhuah siamin JN Hospital, Serchhip-a Surgeon an awm zel theih nan hmalak mek a ni tih a sawi.

Nimina MZP Hqrs., Serchhip-in thuchhuah an siamah chuan Mizoram chhung a Doctor a siksawi kualnaah, JN Hospital Ser-chhipa Surgeon Dr. Lalrin-muani Lungleia transfer a ni leh, Kolasib aṭanga Surgeon Dr. Zothansanga Zadeng Ser-chhipa sawn tur a Order chhuak tawh, tun thlenga a hna a la zawm thei lo chu hriatthiam a har an ti tih an sawi a, MZP Hqrs Serchhip te chuan Dr.Lalrinmuani hnena Lunglei Hospital-ah pawh a hna la zawm lo tur a an ngen angin, tun thleng in a hna hi a la zawm lo a, Dr.Lalrinmuani chungah an lawm hle tih an sawi.

Hetihlai hian Mizoram sawrkar hnuaia Health & Family Welfare Department-in transfer order a chhuah tawh angin, Dr. Zothansanga Zadeng-in an sawnna hmun JN Hospital Serchhipa a rang thei ang bera hna a zawm ngei theih ngeina turin sawrkar hmalakna an ngaichang mek tih MZP Hqrs., Serchhip chuan an sawi.

Heibakah hian Guwahati-a Mizo zirlai pahnihte ruang chhar a ni chu pawi an tih thu leh pawikhawihtute chu rang taka man chhuak a, an phu tawk ang hremna pe ngei turin MZP Hqrs. Serchhip chuan Assam sawrkar an phut tih an sawi a, Mizoram sawrkar pawhin a khua leh tui te thlavang hauhva thawm nei thuai turin an phut tih an sawi bawk.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram