Zothlifim Logo
Loading ...

Thawhlehni khan Pu Beitlotha Nohro Sanitation Officer Serchhip chuan Serchhip I-X Village Council aiawh te leh Chamber of Commerce hruaitute bawlhhlawh paih chungchangah meeting a neihpui.

He meeting-ah hian Ser-chhip khaw chhunga bawlh-hlawh paih dan chungchangah VC tin ten an ngaihdan sawiin, tuna Bawlhhlawh paih dan kal mek chu ṭha thawkhata an ngaih thu leh tun ai hian bawlhhlawh paih Motor kal zing tur a rawtna thlen an tam ber a ni.

Pu Beitlotha Nohro Sanitation Officer chuan Department lam in Motor repairing leh Oil chungchanga harsatna an neih dan te sawiin, VC tin te mahni area ṭheuhah kawr leh hmun remchanga bawlhhlawh paih mai mai lo tura inzirtir uar turin a chah bawk.

Bawlhhlawh sawngbawl leh paih dan chungchang ah hian kalkhawm te chu thil nih dan phung te tun aia zir chiang tura chah in, meeting neih leh thuai tum a nih thu sanitation Officer chuan a sawi.