Conferedetion Cup Final an thlenna atan Chile Hero-BRAVO

Manchester City goalkeeper Claudio Bravo chu Chile-in Confederation Cup final an thlen theihna atana hero a ni.
Chile leh Portugal te hi hun pangngaiah goal awm lova an inhnehtawk hnuin Penalty shoot-out hmangin a chak zawk an zawng a, City goalkeeper Bravo hian Portugal player pathum – Ricardo Quaresma, Joao Moutinho leh Nani te penalty pêt chu a dansak vek a, hetihlai hian Chile player te chuan an pet goal vek thung a, Bravo hian Chile chu 3-0-in a chakpui a, final-ah nizana semi-final pakhat zawka inkhel, Germany leh Mexico inkhela a chak zawk zawk final-ah an hmachhawn dawn a ni.

Hun pangngaiah goal lut lo mahse inkhel ṭang tak a ni a, chance pawh an insiam nual a, First half-ah chance hlauhawm vawi khat ve ve an nei a, Vargas shot tha zet chu Rui Patricio chuan a lo dang hman hram.

First half tawp dawn lamah Portugal pawhin Andre Silva hmangin goal an khung teuh hle bawk, mual veilam sir atanga Ronaldo cross ṭha zet chu box chhung atangin Silva chuan a shot, Chile goalkeeper Bravo chuan tha zetin a lo dang.

Inkhel inbuktawk tak a ni a, midfield-ah an inbei nasa a, tlar hnung an nei ṭha dun bawk nen, chance tam tak an inpe lo ve ve a, a lai aṭangin an insu tlang zo lo ve ve a, wing aṭangin ball an vawrh nasa, mahse awmzia a awm bawk si lo. Hun pangngai a zo a, goal awm lovin an inhnehtawk, extra time khelh a ni a, Extra time hun tawp dawn tak takah Chile chuan a zawnin Portugal goal post vawi hnih ngawt an tihper a, Extra time a zo a, penalty shootout hmangin chak zawk zawn a ni ta a, Bravo a che ṭha a, Chile chu Final a hruai thleng ta a ni.

Editor

C.Lalrochhuanga, New Serchhip, Serchhip - 796181 Mizoram Contact: WhatsApp | Phone Call | Telegram