Inrinni khan Central YMA buatsaihin Iron Rod & Cement Dealers Meet Central YMA Hall, Tuikhuahtlang ah neih a ni a He hunah hian Aizawl khawpui chhunga Iron Rod & Cement zuar zawng zawngte chu tel vek tur sawm an ni a, Dea-ler te pawh an kal ṭha hle a ni.
YMA rorelna sâng ber YMA General Conference-in kumpuan atana a thlan ‘Ram leh hnam humhalh’ kawnga hmalakna atan Central YMA chuan tun aṭangin Mizo hming hawha Iron Rod leh cement dawr hawng te leh bûkna dik lo leh bûk tling lo hralh nasa lutuk ûm bona kawngah hma an lak ṭan tur thu an sawi a. Hnamdang kawpa he lama sumdawngte chu an sum-dawnna anmahni puala bul ṭan theuh turin an sawm a, dânlo anga sumdawng hnamdang dapchhuah beihpui thlâk hunah Mizo leh Mizo inhmachhawn an duh loh thu Central YMA hruaitute chuan kalkhawm te chu an hrilh a ni.
Mipui mamawh nitina hah taka sumdawng, Iron Rod & Cement Dealers te chu hna zahawm tak thawk an nih ang ngei a, Mizoram leh hnam tana dik tak leh fel taka an hna chhunzawm zel turin an chah bawk.
Cement leh Iron Rod zuar te pawhin an harsatna tawh leh dik leh felfai zawka an kal zel theih nana hmalak an duhnate CYMA hruaitute hnenah hian an thlen , thawhhona ṭha tak neih chhunzawm zel an duh thu kalkhawm te chuan an sawi a ni.
Central YMA Kumpuan Committee hruaitute leh Iron Rod & Cement Zuar Association hruaitute chuan tun dinhmunah hian Aizawl khaw-pui chhungah Irod Rod & Cement zuar firm 112 vel awmin an sawi a, heta ṭang hian firm 80 vel hian hnamdang kawpin an hming hawhin hnamdang an sumdawntir niin an sawi.