Zothlifim Logo
Loading ...

French Open khelh mekah Rafael Nadal chu khel ṭha chhunzawm zelin, Roberto Bautista Agut chu 6-1, 6-2, 6-2-a hnehin Quarterfinal a thleng ta.

French Open title 10-na lak tum mek Nadal, 31, hian Quarterfinal-ah hian Spaniard, Pablo Carreno Busta a hmachhawn leh dawn a, Nadal hi Roland Garros-ah hian a record a ṭha hle a, match 76 a chak tawhah match 2 chiahah chak loh a la nei a, kum 2009 fourth round-a Robin Soderling leh 2015 Quarterfinals-a Djokovic a hneh loh chiah kha chak loh a la nei a ni.

Second seed Novak Djokovic pawhin Semi-Final-a Nadal hmachhawn thei turin hnehna a chang chho zel bawk a, 19th Seed Albert Ramos-Vinolas chu 7-6 (7-5), 6-1, 6-3-a hnehin Quarterfinal a lut bawk a ni.

Carreno Busta, 25, hian Grand Slam quarter-final a luh vawi khatna niin, Canadian fifth seed Milos Raonic hnehin Quarterfinal hi a lut a ni a, top 10 chunglam player a hmachhawn hmasakna berah hnehna a chang nghal a ni.

Japanese eighth seed Kei Nishikori pawhin South Korean Hyeon Chung chu set 5 a khelhpui hnu-ah a paltlang thei hram a, 21st seed American John Isner chu Karen Khachanov laka tlawmin Fourth Round a thleng zo loca, Khachanov hian nizan khan World number one Andy Murray a hmachhawn a ni.

French 15th seed Gael Monfils chuan a vawi 7-na atan Fourth Round a thleng a, Third Round-a a hmachhawn leh a hnampui ni bawk Richard Gasquet chu a inhnukdawk a ni.