Tunhnaia ruahsur nasa avanga tui lianin a tihchhiat, Zawlpui phai aṭanga Chawmkai kal kaina lei (bridge) chu nimin khan hnatlangin dawh ṭhat hna thawh a ni.
He lei hi Chawmkai lama loneitute lui kânna ber a ni a, Mat lui hian kâm lam pan deuh tawh mahse tui a la tam em avangin loneituten lui kal kai kawngah harsatna nasa tak an tawk a, nimin khan hnatlangin lei dawh ṭhat hna hi thawh a ni a, hnatlanna atana hman JCB, Pu C.Zokhuma, Serchhip Tuikhuah Veng tâ chu chesual-in lui-ah hian a pil a, a khalhtu erawh a insaseng hman a, nimin vek khan luia JCB tâng hi JCB dang pahnih hmangin lak chhuah a ni a, hemi avang hian lei dawh ṭhat hna hi thawh mumal theih a ni ta lo ni.