Mizoramah Badminton zirna hmunpui din duh

India National Badminton Chief Coach Pu P. Gopichand chuan Mizorama Badminton zirna hmunpui din a duh thu a sawi.
He thu hi Inrinni-a Chief Minister Pu Lal Thanhawla a chenna in-a a hmuhnaah sawiin, hemi chungchang hi zau takin an sawidun a, Chief Minister, Pu Gopichand leh Tata Trusts aiawh Pu Anant Datlia te chuan Mizorama Badminton zirna hmunpui Centre of Excellence din a nih theih nana thil pawimawh ruahman lawk ngai te, ram pek chungchangte, thawhhona thutlung ziah chungchangte, sawrkar leh Tata Trusts aṭanga thil tih theih leh ruahman turte leh ṭul dang nia an hriat te chu zau takin an sawiho a, he hunah hian Pu Anant Datlia chuan Chief Minister chu Tata Trusts tirha Germany-a football zir mek Mizo naupangte chanchin leh hma an sawn dawn te hrilhin an hmasawnna chakin, beiseina sang tak kan nei a ni tiin a hrilh a ni.

Badminton hmunpui atan hian Sihphir a ram en a ni tawh a, he ram hi Village Council pawhin hman rem an ti a, Inrinni zing khan helai hmun hi an enfiah nghal a ni.