Zothlifim Logo
Loading ...
Serchhip ODF Verification team flag off by DC

Serchhip District chhunga thingtlang khua zawng zawng te Open Defecation Free (ODF)-a an inpuan hnu-ah ODF an ni chiah em tih District Level-a endiktu tur te chu nimin chawhma dar 10 khan District Bawrhsap Pi Sangchhin Chinzah, MCS, Swachh Bharat Mission (Gramin) Serchhip District Chairman ni bawk chuan DC Office tual aṭangin a vai liam.District Level Monitoring Team te vai liamna inkhawmah hian District Bawrhsap Pi Sangchhin Chinzah chuan thusawiin, sawrkar laipuiin Swachh Bharat Mission a kalpui mekah ODF chu ngaih pawimawh ber pawl a nih thu a sawi a, District chhung thingtlang khua zawng zawng ODF-a an inpuang vek thei chu lawmawm a tih thu sawiin, District Level-a endik a nih hnu hian State Level-a endikna neih leh a nih dawn avangin District Level-a endik tura thawkchhuak te chu hna pawimawh tak thawk tur an ni tih sawiin, uluk taka verification nei tur leh tluang taka an zin kawng te zawh tura duhsakna hlânin a vai liam a ni.

Serchhip District chhung-ah hian SBM (G) hnuaiah khaw 35 an awm a, heng khua te hi May thla khan ODF-ah an inpuang vek a, tuna District Level-a endikna neih a nih hma hian ODF khuaa inpuang te hi Block Level-ah endik an lo ni vek tawh a, District Level-a endiktu tur Monitoring Team te hi team hnihah inṭhenin, Serchhip Block leh E.Lungdar Block aṭanga endik tura thlan chhuah khaw 4 ve ve-ah verification hi an nei a ni.

Nimina District Level Monitoring Team te vai liamna hun tawi hman hi Serchhip District Swachh Bharat Mission (Gramin) Member Secretary Er. F.Lalsanglura, EE, PHED, ni bawk leh Pu R.Vanrengpuia, SDO (Sadar) ten an hmanpui a ni.