Nimin khan Serchhip District Civil Supplies Officer hovin, a Office-ah Serchhip-a LPG Online booking kalpui dan tur chungchang sawiho a ni.
Nimina Pu Rosangmawia, DCSO hova LPG Online Booking kalpui dan tur sawihonaah hian MJA, YMA, Consumer Asso-ciation leh Mizofed aiawhte an tel a, meeting-ah hian sawrkar-in thupek a chhuah angin, June ni 19, 2017 aṭangin Aizawl Municipal Area leh District Capital tinah Gas Cylinder chu SMS leh Online system hmang hlira sem/booked tawh tur a ni tih sawilan a ni a, he kalphung thar hman tur inzirtirna hi tualchhung leh YMA chan-chinbu leh TV scroll lamah te tarlan nise an tih a, Gas semna-ah ṭawngkaa inhrilhfiah bakah ziakin sem nise an ti bawk.
Online booking hian LPG supply khawpkham lo emaw mumal lo emaw a lang chiang thei dawn a, Home delivery sys-tem neih theih nana rahbi pawi-mawh hmasa a ni bawk a ni.
Gas book dan hi chi hnih a awm dawn a, SMS hmang leh internet hmangin Mobile application hmangin a book theih dawn a, SMS hmanga Gas Book tur hian phone no. 9089024365-ah Text Message-in IOC <STD Code + Distributor Telephone Number> <Consumer number> tia thawn tur a ni a, IOC aṭanga Message reply-na dawn hnuah IOC tih message chhut leh a thawn let leh tur a ni.
SMS thawn dan hi Serchhip Mizofed contact no chu 03838-222253 a ni a, Serchhip Mizofed-a gas la te tana SMS hmanga gas book dan tur chu IOC 03838222253 CX1276 tiin 9089024365-ah text message thawn tur a ni a, a tawpa CX1276 hi consumer no. a ni a, hei hi chu mahni gas card-ah a awm a ni.
SMS aiin Mobile Application hmanga Book hi a awlsam zawk a, mahse hemi tur chuan internet hman a ngai a, Android Phone hmang tan Play Store aṭangin INDANE tih Apps download tur a ni a, download hnuah install in chu apps ah chuan kan Gas Consumer no leh detail te chhu lutin kan in register atang a. Chu application atang chuan Gas Book na te, Complaint na te, Mechanic kohna te a awm vek a ni.