Skip to content
Home » Chanchinthar » Tuialhthei man nitin ennawn tura ruahmanna hmang tan ta

Tuialhthei man nitin ennawn tura ruahmanna hmang tan ta

Tuialhthei man nitina ennawn tura ruahmanna chu nimin aṭang khan ram pumah hman ṭan a ni ta a, a bul ṭan ni, nimin khan Petrol leh Diesel rate chu a tlahniam a ni.
He system thar hman a nih takah chuan khawvel huapa tuialhthei man danglamna tlêmte a awm pawhin a sem chhuaktute leh a leitute-ah awmzia a neih tawh dawn a ni.

Kalphung hman ṭhinah chuan Oil company lian pathum – Indian Oil, Bharat Petroleum leh Hindustan Petroleum te chuan thlatin ni 1 leh ni 16-ah international crude oil man leh foreign exchange rate behchhain tuialhthei man hi an ennawn ṭhin a, rampuma system thar hman a nih hma hian khawpui lian zual panga- Chandigarh, Jamshedpur, Puducherry, Udaipur leh Vizag-ah te chuan May ni 1 aṭang khan nitina tuialhthei man ennawn leh tihdanglam hi an lo en chhin tawh a, hlawhtling hle-a an hriat avangin tuialhthei man hi zanlaiah thlak thin nise tiin Petroleum Ministry chuan a lo rel tawh a, sawiselna hrang hrang avangin tuialhthei hmanga sumdawng pawlten he thutlukna dodal nana nawrh an tum thu an sawi hnuah, zing dar 6-ah tuialhthei man hi thlak nise tih a ni leh ta a ni.

Tuialhthei hmanga sumdawng pawl, Federation of All India Petroleum Traders President, Ashok Badhwar chuan nawrh an tum chu an sut thu leh, mipuite hamṭhatna tur zawk a nih avangin nitina tuialhthei man ennawn chu an pawm thu a sawi.

Indian Oil chuan nitina tuialhthei man ennawn chungchangah hian hma a la chho mek a, chung zingah chuan Petrol pump-a LED screen dah te, toll-free number siam te, Social media-a post te, Price revision app alert leh SMS siam te a tel a, hei bakah hian Indian Oil chuan Petrol pump tin anmahni dawrtuten awlsam taka hmuh theih turin dealer code an tarlang tur a ni a ti a, hemi code hmang hian SMS-in chulai hmuna tuialhthei man chu a hriat theih dawn a ni.


Tuialhthei man hriat theih dan tur

##     Consumer-ten Indian Oil Website – https://www.iocl.com/TotalProductList.aspx aṭangin an en thei ang.

##     An website-ah hian RO Locator (http://uat.indianoil.co.in/ROLocator/)-ah an awmna hmun hnaih ber retail outlet a hmuh theih ang.

##     Website-ah hian Petrolium product hrang hrang hralh chhuahna man a inziak.

##     SMS hmang pawhin a hriat theih dawn a – 92249-92249 -ah hetiang hian thawn tur – SMS RSP<SPACE>DEALER CODE

##     Dealer Code hi Petrol Pump tim ten an pump-ah chiang takin an tarchhuak tur a ni tih IOC chuan an sawi.

##     Mobile app [email protected] – IndianOil” hmangin Customer-ten tuialhthei man an en thei ang a, Mobile app hi Google Play leh Apple Store-ah download theihin a awm.

##     Nitina tuialhthei man ennawn chungchangah hian Indian Oil chuan Customer care helpline no. 1800-2333-555 siam a ni bawk.

– ZOTHLIFIM DAILY, SERCHHIP-

Leave a Reply

This site uses Akismet to reduce spam. Learn how your comment data is processed.