Manchester City chuan kumin nipuia lakluh an tum zinga pakhat Brazil full-back Dani Alves chu an chang ta lova, Alves hian free transfer-in Paris St-Germain a zawm ta a ni.
Alves hian PSG tan hian kum 2 daih tur Contract a ziak a, City hian kum 34 mi, Alves hi kum 2 daih contract ziakpui turin an thlem ve tho a, mahse a hlawh phut zat chawlhkar khata £230,000 hlawh tir chu tlin an inti si lova, hetiang zat hi France lamah a hlawh theih dawn vangin Barcelona-a a boss hlui, Pep Guardiola enkawlna hnuaia awm loh a thlang ta zawk niin a lang.
Alves hian season liam ta khan Juventus chu Serie-A leh Coppa Italia a chawipui a, hemi hnu hian Juventus hian an release a, free agent-in a awm zui ta a ni.
Hetihlai hian Tottenham defender Kyle Walker chu City-ina player an lakluh tum lian ber a la ni chhunzawm zel a ni.