Zothlifim Logo
Loading ...

Chelsea winger Pedro chu Club pre-season tour neihna, Beijing-a Friendly Match-a Arsenal laka 3-0-a an chak ṭumin a hmaiah hliam a tuar vang leh a thluak lamah nghawng a neih avangin England lamah haw pui a ni dawn.

Kum 29 mi, Pedro hi Inrinnia an inkhelhnaah Gunners goalkeeper David Ospina nen an intauhnaah a inhliam a, Hospital-ah phurh nghal a ni a, Chelsea chuan an thuchhuahah chuan Spain international hi zankhuaib endik zui a ni tih an sawi a, “A hliam ennawn leh turin London lamah kirpui a ni nghal dawn” an ti bawk.

Hetihlai hian Pedro chuan Social media-ah “engkim a ṭha vek e” tiin a post a ni.

Chelsea hi nimin khan Singapore-ah an inkhel leh a, Arsenal lakah hian Michy Batshuayi-a’n goal hnih thunin Willian chuan goal khat a thun bawk a ni.