Zothlifim Logo
Loading ...

Aizawl chu India ram khawpui fai 5 zingah a tel thu Aizawl Municipal Corporation (AMC) Mayor Pu Lalhmingthanga’n a sawi.

Aizawl Ramhlun South Branch YMA-in Faina Beihpui thlak hawnna inkhawm, an veng YMA Hall-a nimina an buatsaih a hmanpuinaah AMC Mayor hian AMC-in Aizawl khawpuia bwlhhlawh paih hna an thawh hnuah Aizawl khawpui chu a fai sawt hle a, New Delhi-a hmunpui nei Centre for Science & Environment-in an zirchiannaah Aizawl chu India ram khawpui fai panga thlan chhuah zingah a tel a ni, a ti a. Aizawla bawlhhlawh paih hna thawh nan hian AMC chuan thla tin Cheng Nuai 30 chuang a seng ṭhin, AMC Mayor chuan a ti bawk.

Pu Lalhmingthanga chuan khawpui chhunga ranvulh titawp turin AMC-in hma a la mek tih sawiin, ranvulh vang leh In hmun tur laih nasat avangin lei a min phah ṭhin a, mipui him tlan nan mitinin hma lak a ṭul a ni, a ti.

Ramhlun South YMA-in Faina Beihpui an thlak nana an hman tur pawisa AMC Mayor leh Councillor-te’n an pe a ni.